ჩვენი კლუბები

STEM აკადემიაში სწავლა ნიშნავს ინოვაციური იდეების გარდაქმნას მეცნიერების, მათემატიკის, ინჟინერიისა და ტექნოლოგიების გამოყენებით. 

პროგრესი სხვადასხვა კონკურსებში წარდგენილი და გამარჯვებული პროექტებით, ასევე, ახალგაზრდა ნიჭიერი გამომგონებლებით ცნობილი სკოლაა. 

“ლეონარდო და ვინჩის” მოსწავლე გამომგონებელთა და მკვლევართა კონკურსი, ასევე, ათასწლეულის ინოვაციების კონკურსი - ჩვენი STEM აკადემიის მოსწავლეები ყოველწლიურად  სხვადასხვა ნომინაციებში იმარჯვებენ. 2024 წლის ათასწლეულის ინოვაციების კონკურსში გამარჯვებული პროგრესელი სასწავლო ვიზიტით ამერიკაში,  ნასას კოსმოსურ ცენტრში იმყოფებოდა. ამავე კონკურსის მესამე ადგილზე გასული პროექტის თანაავტორი კი შვეიცარიაში, ბირთვული კვლევების ევროპულ ცენტრს ეწვია. ჩვენს წარმატებულ პროგრესელებს ეძლევათ შესაძლებლობა ტექნოლოგიური მიმართულებით გაიზიარონ უცხო ქვეყნის პრაქტიკა და გამოცდილება. 

თანამედროვე, ყველა საჭირო რესურსით აღჭურვილ STEM აკადემიაში სწავლება დავით სონღულაშვილის „რეალურ-ვირტუალური“ პროგრამით ხორციელდება. აღნიშნული პროგრამა ჩვენი მოსწავლეების მიერ წარდგენილი პროექტების წარმატების გარანტი არაერთხელ გახდა. 

აკადემიაში სასწავლო პროცესს ხელმძღვანელობენ მენტორები, უტა კილასონია და მარეხ მაზანაშვილი. სწორედ მათი დამსახურებაა ინოვაციური იდეა პროექტის სახეს რომ იღებს და წარმატების ეტაპებს გადის.

STEM  აკადემიაში  მოსწავლეები სწავლობენ:

• რაოდენობრივ აზროვნებას;
• ლეგოებისა და სხვა კონსტრუქციების აწყობას;
• ანალიზის საფუძველზე სწორ დაგეგმვასა და განხორციელებას;
• ინჟინერიის საფუძვლებს;
• ელექტრონიკის საწყისებს.

მიზანი: პრაქტიკული პროექტებით, კონსტრუქტორებით, თამაშებით სივრცითი და პროგრამული აზროვნების განვითარება.|

 სახალისო ექსპერიმენტების დახმარებით, სიმულაციებით, მოსწავლეები სწავლობენ:

• რობოტიკას;
• მოდელირებას ;
• ინჟინერიას;
• კრიტიკულ აზროვნებას;
• ლოგიკურ ანალიზს;
• ელექტრონიკის საწყისებს;

პროგრესელები თავად ქმნიან პროდუქტს, მსჯელობენ დეტალებზე და ამუშავებენ კონსტრუქციას. აკავშირებენ მათემატიკის, ქიმიის, ინჟინერიისა და მეცნიერების შესაბამის საკითხებს ერთმანეთთან.