პროფესიული განათლება
2024 წელს ამერიკულმა საერთაშორისო სკოლა პროგრესი - ბათუმმა მოიპოვა პროფესიული საგანმანათლებლო პროგრამების განხორციელების უფლება.
დაინტერესებულ პირებს აქვთ შესაძლებლობა ინფორმაციული ტექნოლოგიების მიმართულებით შეისწავლონ ორი საშუალო პროფესიული საგანმანათლებლო პროგრამა:
- კომპიუტერული ქსელი და სისტემები;
- ვებტექნოლოგიები.
პროგრამებზე სწავლა შეუძლია პროფესიული განათლებით დაინტერესებულ პირთა ორ კატეგორიას:
- საბაზო (9 კლასის) განათლების მქონე პირები - ინტეგრირებულ პროგრამაზე ჩარიცხვის შემთხვევაში პარალელურად ეუფლებიან პროფესიულ და ზოგად განათლებას. პროგრამა გრძელდება 3 წელი და მოიცავს მე-10, მე-11 და მე-12 კლასების ფარგლებში მისაღწევ სწავლის შედეგებს. პროგრამის დასრულების შემდეგ კურსდამთავრებულები მიიღებენ სრული ზოგადი განათლების ატესტატთან გათანაბრებულ დიპლომს.
- ზრდასრულები - არაინტეგრირებულ პროგრამაზე ჩარიცხვის შემთხვევაში სრული ზოგადი განათლების მქონე პირებს შეუძლიათ დაეუფლონ სასურველ პროფესიას და მიიღონ სახელმწიფოს მიერ აღიარებული დიპლომი.
სკოლაში გთავაზობთ საერთაშორისო სტანდარტების შესაბამის ულტრათანამედროვე, უსაფრთხო, შშმ პირთათვის ადაპტირებულ სასწავლო გარემოს. შედეგზე ორიენტირებულ სწავლებას დარგის კვალიფიციური და პროფესიონალი პედაგოგები უზრუნველყოფენ.
ანონსი: 2025 წელს პროფესიული საგანმანათლებლო სტანდარტების ცვლილებებიდან გამომდინარე დაიმატებს ორ განახლებულ პროგრამას:
- კომპიუტერული ქსელი და სისტემები;
- Front end დეველოპმენტი
პროფესიული მომზადება და პროფესიული გადამზადება
პროფესიული განათლებით დაინტერესებულ პირებს პროფესიული მომზადებისა და გადამზადების მოკლევადიან კურსებზე სწავლების შესაძლებლობა აქვთ შემდეგი მიმართულებით:
- სასტუმროს გაყიდვები;
- სასტუმროს საოპერაციო დეპარტამენტების ოპერირება;
- აპარტ ოტელის ოპერირება;
- სპას საოპერაციო პროცედურები.
პროფესიული საგანმანათლებლო პროგრამების კატალოგი - 2025
