საუნივერსიტეტო ორიენტაციისა და კარიერის დაგეგმვის სამსახური
სკოლა “პროგრესში” არსებობს საუნივერსიტეტო ორიენტაციისა და კარიერის დაგეგმვის სამსახური რომელიც მოსწავლეებს ეხმარება სწორი კარიერული და აკადემიური გადაწყვეტილებების მიღებაში. საუნივერსიტეტო მრჩეველი თითოეულ მოსწავლეს მათ მიზნებზე მორგებულ, ინდივიდუალურ მხარდაჭერასა და მუდმივ კონსულტაციებს სთავაზობს. საუნივერსიტეტო მრჩეველი ეხმარება, სათანადოდ განსაზღვრონ, რომელი გამოცდების (SAT, AP, IELTS, TOEFL თუ სხვა) ჩაბარება იქნება საჭირო დასახული მიზნების მისაღწევად. მოსწავლეებს აცნობს ინფორმაციას უნივერსიტეტებისა და პროგრამების შესახებ. ასევე, სთავაზობს მხარდაჭერას გადაწყვეტილების მიღების პროცესში და კარიერული მიზნების სწორად განსაზღვრაში. პროგრესის საუნივერსიტეტო მრჩეველი მოსწავლეებს აპლიკაციის თითოეულ ეტაპზე უწევს კონსულტაციას - საჭირო დოკუმენტაციის მომზადება, სამოტივაციო წერილის შედგენა, რეზუმეს შედგენა, ინტერვიუებისთვის მომზადება და ა.შ.
სიამიყით შეგვიძლია იმის თქმა, რომ ჩვენი მოსწავლეების 90% პროცენტზე მეტი სწავლას აგრძელებს უმაღლეს საგანმანათლებლო დაწესებულებებში, მათ შორის ამერიკისა და ევროპის პრესტიჟულ უნივერსიტეტებში. ხშირ შემთხვევაში მათი სწავლის საფასური სრულად ან ნაწილობრივ არის დაფინანსებული უნივერსიტეტების მიერ.